Reagon Vlora Çitaku lidhur me lajmet për pagën e saj

18:34 | 15 Qershor 2017
Arbresh.info

Ambasadorja e Kosovës në SHBA, Vlora Çitaku ka sqaruar se paga e çdo ambasadori është e njëjtë, dhe se ajo nuk merr një të tillë më të lartë sesa kolegët e saj.
Megjithatë, ajo ka thënë se kjo nuk do të duhej të ishte kësisoj dhe mendon se pagat e ambasadorëve do të duhet nivelizuar, sipas standardit të shtetit ku shërben një ambasador.

“Po e shoh që disa portale qenkan marrë me pagën time. Më lejoni t’ju njoftoj që paga e Ambasadorit është e njetë, si për atë që është Ambasador në SHBA, si për atë që është Ambasador diku tjetër. Pra, nuk ka pagë të veçantë për mua. Dhe kjo duhet të ndryshojë. Paga e Ambasadorit do të duhej nivelizuar varësisht nga standardi i vendi ku shërben. E më lejoni t’ju them, meqë e paskët bërë temë, paga prej 3393 euro është e madhe për Kosovë, dhe për rajon, por konsiderohet pagë e ultë këtu ku shërbej unë. Nuk po ankohem, se mua më mjaftojnë. Googel mos më besofshi”, ka shkruar Vlora Çitaku në facebook.

Shpërndaje në rrjete sociale

Lajmet më të lexuara

Të ngjashme

Foto lajm